Inyat as (I baba “amazigh” )
Inyat as
Gigh ayyaw
Gigh asennan
Ar allagh
Ar sallagh
Igh berigh
Ar berrigh
Aynna s umezgh
As akkagh
Anzar g tagerst inu
Ur agh d ittar
Tafukt n uzal inu
War izenzarn
Awd ur inu ussuf
Assa n wattan
Ur ju izga…
G igenna n tiderfiyt
Agh itaylal
Inyat as
Yimmi tenza
G ugadaz
N tissumga
Uma iheda…
Iswu tikwssadin
Idel s ufessa
Arraw idja
Axmi ur idja…
Issum..izri akwfay
N takna
Iman n wakal
Ger izwrgans
Tifizza
Tadsa f timariwin
Ami t ifka…
Kra yuzzel…
Ikerz akw ibriden
Ur isuger amya
Inyat as
Ayda nfkat…
Iggi ns tasudemt
Irghan
Agwren tiferray
N tawsna
Nmdelt
Ar falas ntzalla
Nskubber iggin
Tasdart n tirriza
Ar nekkat rrec
I wayyaw
n Kra…
Immera…ihesa…
Issen man ifri
Agh heddant tudfin
Tiram n uzekka
Nberbec s uduhdu
Nezga g tskwfelt
N isemgan
Neg tadssa
Ay reqqasn n ger
Tasutin
Inyat as
Han assagh nek
Kas sul nella
tanirt n usfi