TALGHATE N TMAZGHA

 

Timmuzgha    
   
 

    Timmuzgha a tudrt inu ammukm   righ
  yan d iqqan a yesmugi kcem nit i wakal
  yan iran anemgiddi nmun ar n sawal
  yan isiggilen ayyi yager mlen iyyi mas iyyi yuf
   

af ukan gigh udad ikcemn     i talatin
    d ad ur neg zund imugayn au ikerf ufus
    taderfit d as tjudm felgh awent nkkin
    ur jju gigh isemg lehrar ayyi yurun
     

igh ukan righ bnadem     kcemgh as igh ur rrigh
    ndêrgh as ghanck ad indêr ttîr iwakal
    ula nek gigh lbaz is ka nemyar akal
    huban iyyi ignwan igh irmi rric nek akal
    wa timmuzgha
    tini k^wdîgh adû n walen gh illa ccer
    ar nettadr i tinu zun sersent ur annigh
    ih ukan sul ur nderk ak nerar awal
    nak^wi d il ad neg iselman nàawelt
    zemzelgh ifrawn gh iggi n waman n tisent
    gigh ukni lferghan nek a mmu sâhan
    wa timmuzgha
    gigh lbaz yuru babas yasitn ulens
    tifyyi ur ilin idammen ur ayyi timim
    yan rad îsêhu mad adergh yawin lyaqin
    isaqsa kullu wida gh nusi tiram negh
    lbaz igh sawlen iga ak^w akal imerwal
    wa timmuzgha ! tudert inu ammu kem righ.

Ali Chouhad (Archach)